A
A
Դպրոցում թունավորվել են վառելիքի հոտից
ԱԻՆ-ը մանրամասներ է հրապարակել երեկ Արմավիրի մարզի Նոր Արտագես գյուղի միջնակարգ դպրոցի աշակերտների թունավորման դեպքի առիթով։
Պարզվել է, որ դասասենյակները տաքացվել են դիզելային վառելիքով աշխատող վառարաններով, ինչի հետևանքով աշակերտների և ուսուցիչների մոտ ծխից առաջացել է ինքնազգացողության վատացում:
17 աշակերտ և 8 ուսուցիչ, դպրոցի բակում, բժշկուհու կողմից ստացել են առաջին բուժօգնություն, իսկ ուսուցչուհիներ` 1963 թ. ծնված Նադյա Քոլոզյանը, 1975 թ. ծնված Նարինե Իվանյանը և աշակերտ` 2001 թ. ծնված Արգամ Հակոբյանը բուժօգնություն ստացել են գյուղի ամբուլատորիայում:
Ըստ դպրոցի տնօրենի ու բժշկուհու` 25 տուժածների առողջական վիճակը բավարար է և հիվանդանոց տեղափոխման կարիք չի զգացվել:
