Արաբուհիները կօգնեն հայուհիներին բիզնեսում (տեսանյութ)
Հայ գործարար կանայք պատրաստվում են համագործակցել արաբ կանանց հետ: Օրերս նրանք այցելել են Արաբական Միացյալ Էմիրություններ ՝ բիզնեսի ոլորտում ձեռք բերել պայմանավորվածություններ, կնքել մի շարք պայմանագրեր:
«Մեր կողմից ներկայացել են 22 կին գործարարներ, ովքեր ներկայացրել են հետևյալ ոլորտները՝ շինարարություն, բժշկություն, ոչ պետական բուհեր, ժողարվեստների ոլորտ» , -ասաց Գործարար կանանց աջակցման հիմնադրամի նախագահ ՀՀ առևտրարդյուաբերական պալատի նախագահի խորհրդական Լիլյա Գևորգյանը:
Արաբ կանանց հետ ձեռք բերված պայմանավորվածություններից հայ կանայք այսօր միայն նշեցին. «Մասնավոր բուհերը ստացել են առաջարկություն տնտեսական ազատ գոտիում ստեղծել մասնաճյուղեր Դուբայում»։
Ի դեպ, հայաստանյան պատվիրականության դիմավորել է Արաբական աշխարհի գործարար կանանց խորհրդի նախագահ, Քուվեյթի նախկին թագավորի դուստր, շեյխա Խոսա ալ Սաբահը: Հայ կանայք հիացած են արաբ գործածար կանանց տրվոց հնարավորություններով:
Հայ գործածար կանայք վստահեցնում են, որ իրենց թիվ մեկ խնդիրն այսօր արտահանումն է:
Արաբական աշխարհի եւ հայ գործարար կանանց հաջորդ հանդիպումը տեղի կունենա Հայաստանում և կուղեԿցվի ցուցահանդեսներով:
Հաշվի առնելով, որ առաջիկայում նախագահի ընտրություններ են, գործարար կանայք այսօր խոսեցին նաեւ կին- նախագահ ունենալու հնարավորության մասին;
«Եթե ասեք կին նախագահ, տղամարդիկ մի քիչ տարակուսանքով կվերաբերվեն, մեր երկրում համապատասխան պայմաններ են պետք», -ասաց «Միկա ցեմետ»-ի գլխավոր տնօրեն Նաիրա Մարտիրոսյանը:
