Երեւանի ամենաարժեքավոր վայրը
Ապրիլի 9-ին Սերժ Սարգսյանը, ինչպես իր նախորդները, կերդվի այն Աստվածաշնչի վրա, որը պահվում է Մատենադարանում:
«Դրանից հին էլ կա, բայց դա միակ ամբողջական Աստվածաշունչն է, որը արդեն քանի անգամ երդման արարողությանն մասնակցել է սահմանադրության հետ միասին», -ասում է Մատենադարանի խորհրդի նախագահ Սեն Արևշատյանը:
Այսօր Մատենադարանում պահվում են 18000 ձեռագիր մատյաններ, որից 11000-ը հայերեն է և որոնց թիվը անընդհատ համալրվում է:
Սեն Արեւշատյանը մեծ հպարտությամբ է ընդգծում , որ նման հսկայական ժառանգություն ունենալու համար հայ ժողովուրդը պարտական է Մեսրոպ Մաշտոցին: Գիտնականի խոսքերով այն հոգևոր և գրավոր մշակույթը, որ ստեղծվեց Մաշտոցի շնորհիվ մեծ ավանդ է ոչ միայն հայ , այլ նաև համաշխարհային մշակույթի համար:
Նա հիշեցրեց, որ հենց Մաշտոցի գրերի գյուտից հետո փոխվեց հայ քաղաքակրթական և մշակութային կոդը:
Գիտնականը համոզված է, որ Մատենադարանի ձեռագիր մատյանները հիանալի սկզբնաղբյուր են գիտության տարբեր ճյուղերի ուսումնասիրության համար: Սեն Արեւշատյանը հատկապես առանձնացնում է մի քանի մատյան:
«Ինձ համար որպես փիլիփոայության պատմությամբ զբաղվողի շատ արժեքավոր է 13-րդ դարի ձեռագիր Եզնիկ Կողբացու «Եղծ Աղանդոցը» , որը մեզ հասել է միակ օրինակով», - ասում է պարոն Արեւշատյանը:
Մատենադարանում է պահվում նաև Մշո ճառընտիրը, որի 600 էջի պատրաստման համար պահանջվել է 600 հորթ:
Իր հարստության շնորհիվ է, որ Մատենադարանը երբեւէ այցելուների պակաս չի ունենում;
«Անցած տարի 2012 այցելուների թիվն աննախադեպ հասավ 80000, դա շատ ,մեծ թիվ է , գնալով այդ թիվը ավելանում է, Մատենադարանի համբավը տարածվում է, որին նպաստեց նաև նոր մասնաշենքի կառուցումը» , -ավելացրեց Սեն Արեւշատյանը:
