Նոր առաջարկ 33-րդ թաղամասի բնակիչներին
Այսօր` ապրիլի 15-ին, Երևանի քաղաքապետարանում հանդիպում է տեղի ունեցել 33-րդ թաղամասի (Տիգրան Մեծ, Խանջյան, Հանրապետություն եւ Ֆիրդուս փողոցների հատման հատվածում) իրացման գոտու բնակիչների ներկայացուցիչների և տարածքը կառուցապատող «Սիթի Սենթր Դիվելոփմենթ» ընկերության ներկայացուցիչների միջև: Հանդիպմանը ներկա են եղել նաև քաղաքապետարանի և «Գլենդել Հիլզ» ՓԲԸ ներկայացուցիչները:
Քննարկվել են փոխհատուցման հնարավոր տարբերակները, արդյունքում` փոխհամաձայնությամբ ընտրվել է բնակարանային փոխհատուցման տարբերակը: Որպես փոխհատուցում առաջարկվող բնակարանները «Սիթի Սենթր Դիվելոփմենթ» ընկերությունը ձեռք է բերում ընկերության կողմից կառուցվող Երևանյան Բերդ թաղամասի նորակառույցներից (Արգիշտի փողոց): Արդեն հստակեցված պայմանների համաձայն, սահմանվել է ժամանակացույց, ըստ որի, հավելյալ մինչև 15% բնակմակերեսը տրամադրվում է փոխհատուցման այս պայմանին առավել շուտ արձագանքող բնակիչներին:
Այս մասին հայտնում է ընկերության Հանրության հետ կապերի և տեղեկատվության վարչությունը։
