Պայթյուններ Բոստոնում (տեսանյութ)
Բոստոնի մարաթոնի ֆինիշային գծի մոտ երկուշաբթի օրը տեղի է ունեցել երկու ուժգին պայթյուն, որի հետևանքով զոհվել է երեք, վնասվածքներ ստացել՝ 130-ից ավել մարդ:
Դեպքի վայր ժամանած փրկարար ծառայությունների աշխատողները արյունով պատված փողոցներից շտապում էին տեղափոխել տուժածներին մոտակայքում պատրաստված շարժական հիվանդանոց: Հիվանդանոցը պատրաստվել էր ավելի վաղ՝ մարաթոնի ուժաթափ եղած մասնակիցներին օգնություն տրամադրելու համար:
Պայթյունները տեղի է ունեցել այն բանից հետո, երբ մարաթոնի 27 հազար մասնակիցներից առաջինները սկսել են հատել ֆինիշային գիծը: Ոստիկանության աշխատողները պայթյուններից հետո թույլ չեն տվել մարաթոնի մասնակիցներին վերադառնալ մրցավազքի անցկացման վայր: Դադարեցվել է նաև դեպքի վայրը սպասարկող մետրոյի գծի աշխատանքը:
Նյու Յորքի ոստիկանության խոսնակը հայտնել է, որ Բոստոնում տեղի ունեցած պայթյուններից հետո քաղաքի Մանհաթան թաղամասում ուժեղացվել է նշանակալից վայրերի, ներառյալ հայտնի հյուրանոցների, հսկողությունը:
Բոստոն քաղաքը ԱՄՆ-ի հյուսիս-արևելքում գտնվող խոշորագույն քաղաքներից է, որտեղ ամեն տարի անցկացվող մարաթոնը քաղաքի նշանակալի միջոցառումներից մեկն է: Ամենամյա մարաթոնին մասնակցելու համար քաղաք են ժամանում բազմաթիվ հյուրեր:
Բոստոնում հնչել է երրորդ պայթյունը՝ այս անգամ JFK գրադարանում: Ոստիկանությունը հաստատել է պայթյունների փոխկապակցվածությունը: Նախնական տվյալներով կազմակերպիչը Սաուդյան Արաբիայից է, ով նույնպես վիրավոր է և գտնվում է հիվանդանոցում:
Տուժածներից 6-ի դրությունը ծայրահեղ ծանր է: Ոստիկանությունը նաև նշել է, որ մեծաթիվ պայթուցիկ սարքեր են հայտնաբերվել քաղաքի այլ մասերում:
ԱՄՆ-ը Կենտրոնական հետախուզական վարչությունը միջադեպը դիտարկում է որպես ահաբեկչական ակտ:
Ըստ արտասահմանյան մամուլի
