Հրապարակի վերակառուցման հերթական քայլը
ճարտարապետության ազգային թանգարան-ինստիտուտում այսօր բացվեց Հանրապետության հրապարակի վերակառուցման հայեցակարգային նախագծի ճարտարապետական բաց մրցույթի ցուցահանդեսը:
Ներկայացվել են 13 աշխատանքներ: Ցուցահանդեսը բաց կլինի մինչև նոյեմբերի 22-ը. «Աշխատանքները, որ ներկայացված են ունեն ծածկագրեր, և ես էլ ձեզ և մյուսների նման տեղյակ չեմ` մեկ հոգի է ներկայացրել, թե ճարտարապետական արվեստանոց է հանդես եկել»,- տեղեկացրեց Ճարտարապետության ազգային թանգարան-ինստիտուտի գիտքարտուղար Անի Գրիգորյանը:
Հիշեցնենք, որ Երևանի քաղաքապետարանը Հանրապետության հրապարակի վերակառուցման հայեցակարգային նախագծի հանրապետական ճարտարապետական բաց մրցույթը հայտարարեց դեռևս մայիսի 29-ին:
Այն դժգոհության ալիք բարձրացրեց, նախագծին դեմ դուրս եկող ճարտարապետներ պնդում էին, որ Հանրապետության հրապարակը ենթակա չէ վերակառուցման և սա քաղաքապետարանի հերթական բիզնես նախագիծն է:
Մանրամասներն ավելի ուշ։
