Նախարարությունը անվանեց լավագույններին
ՀՀ սպորտի եւ երիտասարդության հարցերի նախարարության որոշմամբ՝ 2013 թվականի լավագույն քաղաքային մարզական համայնք է ճանաչվել Լոռու մարզի Վանաձոր քաղաքը:
Այդ մասին տեղեկացնում է նախարարության մամուլի ծառայությունը: Երկրորդ տեղը զբաղեցրել է Սիսիանը, 3-րդ` Նոյեմբերյանը:
«Լավագույն գյուղական մարզական համայնք» անվանակարգում առաջին մրցանակակիր չկա, 2-րդը Տավուշի մարզի Ոսկեւան գյուղն է, 3-րդը` Արմավիրի մարզի Հայթաղ գյուղը:
Հանրապետության այս տարվա լավագույն մարզական բակը գտնվում է Երեւանի Նոր Նորք վարչական շրջանում, 2-րդը` Աջափնյակում, 3-րդը` Գյումրիում:
«ՀՀ մարզերում եւ ԼՂՀ -ում հանրապետական մարզական փառատոն» անվանակարգում հաղթող է ճանաչվել Կոտայքի մարզի Չարենցավանը: Երկրորդ տեղը զբաղեցրել է Արմավիրի մարզի Էջմիածին քաղաքը, 3-րդ` Գեղարքունիքի մարզի Վարդենիսը:
