A
A
Սիրիահայը գերադասում է խաղաղ ցուրտը (տեսանյութ)
Տաք եղանակին սովոր սիրիահայերի համար դեկտեմբերյան ցրտաշունչ ձմեռը անակնկալ էր, սակայն նրանք չեն նեղսրտում։ «Ավելի լավա խաղաղ երկրում մի քիչ ցրտին դիմանանք, քան թե պատերազմի տակ տանջվենք»,- ասում է սիրիահայ Վահան Շահան Չաղլասյանը, ով առաջին անգամն է նման ձյունաշատ ձմեռ տեսնում, թեեւ 2004 թվականից Հայաստանում կրթություն է ստացել։ Հենց հայրենիքում էլ հանդիպել է ապագա կնոջը, ամուսնացել եւ նրա հետ Սիրիա վերադարձել Սիրիական պատերազմը նրանց ստիպեց վերադառնալ հայրենիք։ Նա մասնագիտությամբ ատամնատեխնիկ է, Սիրիայում իր սեփական լաբորատորիան ուներ, որի դռները փակել է եւ ձեռնունայն հեռացել։ Այստեղ ամեն ինչ սկսել է զրոյից, արդեն պատրաստվում է նոր լաբորատորիայի բացմանը։ Մանրամասները՝ տեսանյութում
