Ոստիկանության ամփոփագրից. պատահարներ
Մարտի 20-ին, ժամը 16.30-ի սահմաններում, «ՎԱԶ-21101» մակնիշի ավտոմեքենայի վարորդը Երևանի Հերացու փողոցի թիվ 5 հասցեի դիմաց վրաերթի է ենթարկել 64-ամյա կնոջ, որը մարմնական վնասվածքներով տեղափոխվել է հիվանդանոց: Կատարվում է քննություն: Մարտի 20-ին, ժամը 10.00-ի սահմաններում, Երևանի Լենինգրադյան փողոցի թիվ 27 հասցեի դիմաց իրար են բախվել «Օպել» և երկու «Մերսեդես» մակնիշի ավտոմեքենաներ: «Օպել»-ի վարորդը, ուղևորը և «Մերսեդես»-ներից մեկի վարորդը մարմնական վնասվածքներով տեղափոխվել են հիվանդանոց: Կատարվում է քննություն: Մարտի 20-ին, ժամը 12.10-ին, «Նիսան» մակնիշի ավտոմեքենայի վարորդը Երևանի Արցախի փողոցի թիվ 14 շենքի դիմաց վրաերթի է ենթարկել 77-ամյա կնոջ, որը մարմնական վնասվածքներով տեղափոխվել է հիվանդանոց: Կատարվում է քննություն: Մարտի 20-ին, ժամը 09.15-ին, Երևանի Ավանի 4-րդ և Դ. Մալյան փողոցների խաչմերուկում «Ֆոլքսվագեն» մակնիշի ավտոմեքենա է բախվել «ՎԱԶ-2107» մակնիշի ավտոմեքենայի: «ՎԱԶ-2107»-ի վարորդը մարմնական վնասվածքներով տեղափոխվել է հիվանդանոց: Կատարվում է քննություն: Մարտի 20-ին, ժամը 19.30-ի սահմաններում, Երևանի Սարալանջ փողոցից Ավետիսյան փողոց և Ազատության պողոտա տանող ճանապարհին «ՎԱԶ-21723» մակնիշի ավտոմեքենա է բախվել էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց: Կատարվում է քննություն: Մարտի 20-ին, ժամը 16.15-ի սահմաններում, Երևան-Գյումրի ճանապարհի 59-րդ կմ-ին իրար են բախվել «ԴԱՖ» բեռնատար և «Օպել Օմեգա» մակնիշի ավտոմեքենաներ: «Օպել Օմեգա»-ի վարորդը և 2 ուղևորները մարմնական վնասվածքներով տեղափոխվել են հիվանդանոց: Կատարվում է քննություն:
