A
A
Սեպտեմբերի 22-ից կգործարկվեն նոր տեսախցիկներ և արագաչափ սարքեր
Ճանապարհային ոստիկանությունը տեղեկացնում է, որ շարունակվում են երթևեկության նկատմամբ վերահսկողության, իրավախախտումների արձանագրման տեսախցիկների և արագաչափ սարքերի տեղադրման աշխատանքները:
Մասնավորապես, 2015 թվականի սեպտեմբերի 22-ից գործարկվելու են հետևյալ խաչմերուկներում տեղադրված տեսախցիկները.
- Երևան քաղաքի Աբովյան-Պուշկինի փողոցների խաչմերուկ,
- Երևան քաղաքի Տերյան-Պուշկինի փողոցների խաչմերուկ,
- Երևան քաղաքի Շիրազ-Ջանիբեկյան փողոցների խաչմերուկ,
- Երևան քաղաքի Սեբաստիա-Ա. Վեգներ փողոցների խաչմերուկ,
- Երևան քաղաքի Մուրացան-Ռոստովյան փողոցների խաչմերուկ,
- Երևան քաղաքի Մարգարյան-Բաշինջաղյան փողոցների խաչմերուկ,
- Երևան քաղաքի Նար-Դոսի-Տիգրան Մեծի փողոցների խաչմերուկ,
- Երևան քաղաքի Սասունցի Դավիթ-Բելինսկի փողոցների խաչմերուկ,
- Երևան քաղաքի Թբիլիսյան խճուղի-Թբիլիսյան նրբանցք խաչմերուկ,
- Երևան քաղաքի Գրիբոյեդով-Մամիկոնյանց փողոցների խաչմերուկ:
Նույն օրվանից գործարկվելու են նաև հետևյալ վայրերում տեղադրված արագաչափ սարքերը.
- Երևան քաղաքի Հալաբյան փողոց՝ Հալաբյան-Մարգարյան փողոցների խաչմերուկից Եղվարդի խճուղի ընկած ճանապարհահատված, 2 արագաչափ՝ երկու ուղղություններով, որտեղ երթևեկության թույլատրելի արագությունը 60 կմ/ժ է,
- Սյունիքի մարզի Գարհայք համայնքի վարչական տարածք՝ 1 արագաչափ երկու ուղղություններով, որտեղ երթևեկության թույլատրելի արագությունը 60 կմ/ժ է:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
