Քաղաքագետը խորհուրդ է տալիս վարչապետին՝ իշխանությունը հավաքել իր ձեռքը (տեսանյութ)
Հայաստանը գնում է խորհրդարանական հանրապետության, եւ այստեղ սովորական վարչապետի փոփոխություն տեղի չի ունեցել: Անդրադառնալով «Գազպրոմ Մեժրեգիոնգազ» ընկերության գլխավոր տնօրենի տեղակալ Կարեն Կարապետյանին վարչապետ նշանակելուն՝ նշեց քաղաքագետ Լեւոն Շիրինյանը. «Այն կանցլերի պաշտոն է, ըստ էության, ու հիմնվում է գերմանական մոդելի վրա: Բայց այստեղ հիմնական մեխը խփել է Սասնա ծռերի զինված ապստամբությունը»: Շիրինյանի խոսքերով՝ ապրիլից Հայաստանում եւ Արցախում սկսված ճգնաժամը, ինչպես նաեւ Սասնա ծռերի գործողությունները ստիպեցին Կրեմլում բանակցությունների բալանսավորում կատարել: Նրա խոսքերով՝ վարչապետ Կարեն Կարապետյանը քաղաքականության տեխնոլոգիական մասին տիրապետում է եւ նրան մի գեղեցիկ օր չեն կարող ասել, որ թողի գնա: «Եթե ես լինեի, շատ արագ իշխանությունը կհավաքեի իմ ձեռքը: Դիմացը խորհրդարանական կառավարման մոդելն է, մի որոշ ժամանակ հետո կաբինետ ձեւավորելուց հետո կանցլերի ֆունկցիաներ կվերցնեի, ու ոչ մեկը չի կարող չի կարող խանգարել»: Լեւոն Շիրինյանի ցանկությունը մեկն է՝Կարեն Կարապետյանը չլինի շարքային վարչապետ: «Նոր վարչապետը ըստ նրա պետք է աշխատի հին եւ նոր դեմքերով: Կոմպրոմիս կարող է լինել, որովհետեւ տնտեսության հարց կա, օլիգարխիայի հարցը կա, աղքատ երկիրը կարող է երկրից կապիտալի բացարձակ արտահոսք ունենալ:Դրա համար պետք է ջենթլմենական պայմանավորվածություն լինի»: Ըստ նրա՝ նոր սահմանադրությունը նոր սկզբի հնարավորությունը տալիս է, եթե նոր վարչապետը ցանկանա ժողովրդի պատմության մեջ դերակատար լինել:
