A
A
Հենրիխ Մխիթարյանը կմասնակցի Եվրոպայի լիգայի խաղին
«Մանչեսթեր Յունայթեդի» գլխավոր մարզիչ Ժոզե Մոուրինյոն երկար ընդմիջումից հետո թիմի մեկնարկային կազմում ընդգրկել է Հայաստանի հավաքականի ավագ Հենրիխ Մխիթարյանին: Ինչպես տեղեկացնում է անգլիական ակումբի սոցիալական ցանցի հարթակը, Եվրոպայի լիգայի ընթացիկ խաղարկության խմբային փուլի 5-րդ տուրի «Մանչեսթեր Յունայթեդ» - «Ֆեյենորդ» խաղում մեր ֆուտբոլիստը դաշտ կմտնի հենց հանդիպման սկզբից: Նշենք, որ Հենրիխ Մխիթարյանը վերջին անգամ «կարմիր սատանաների» մեկնարկային կազմում հայտնվել էր սեպտեմբերի 10-ին, Անգլիայի առաջնության «Մանչեսթեր Սիթիի» հետ տնային խաղում: «Մանչեսթեր Յունայթեդ» - «Ֆեյենորդ» հանդիպումը կսկսվի Երեւանի ժամանակով 00:05-ին:
