Ցմահ դատապարտյալին դատարան բերեցին սայլակով (տեսանյութ)
Ցմահ դատապարտյալ Վահագն Մարուքյանին դատարան բերեցին սայլակով։ Վերաքննիչ քրեական դատարանում նա եւ իր պաշտպանը վիճարկում են առաջին ատյանի դատարանի որոշումը, ըստ որի մերժվել է նրա վաղաժամկետ ազատ արձակումը: Բուն նիստը տեսանկարահանել չի հաջողվում, քանի որ դատավոր Արշակ Խաչատրյանը միայն 5 րոպե է թույլ տալիս նկարահանումներ անել։ Արդեն 24 տարի անազատության մեջ գտնվող Վահագն Մարուքյանին հետաքրքրում էր՝ ինչու են վաղաժամկետ ազատ արձակման իր դիմումը մերժում: Ի՞նչ միջոցառումների նա չի մասնակցում: Խորհրդակցական սենյակից վերադառնալուց հետո դատավորը որոշեց մերժել երկրորդ կարգի հաշմանդամություն ունեցող ցմահ դատապարտյալի բողոքը: Փաստաբան Ռոբերտ Ռեւազյանը այլ վճիռ չէր սպասում՝ վաղաժամկետ ազատ արձակման ինստիտուտը մեր երկրում չի գործում։ Դատարանի որոշումը կբողոքարկվի Վճռաբեկ դատարան: Մանրամասները՝ տեսանյութում:
