Հուլիսի 30-ին, ժամը 05:48-ին տեղեկություն է ստացվել, որ Լանջիկ-Երևան ավտոճանապարհին՝ Մաստարա գյուղի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է, որ Մ-1 ավտոճանապարհի Երևան-Գյումրի հատվածի 84-րդ կմ-ին բախվել են «Chevrolet Aveo» մակնիշի 37 ML 777 (վարորդ Գ. Մ. ) և «Mercedes Benz C» մակնիշի 34 TD 443 (վարորդի տվյալները չի հաջողվել պարզել) պետհամարանիշերով ավտոմեքենաները: Մինչ փրկարարների՝ կանչի վայր հասնելը «Mercedes Benz C» մակնիշի ավտոմեքենայի վարորդը, ուղևորներ՝ 1987 թ. ծնված Լ. Դ.-ը և 1959 թ. ծնված Ս. Դ.-ը հոսպիտալացվել են Գյումրի քաղաքի ԲԿ, որտեղ բժիշկները տուժածների առողջական վիճակը գնահատել են միջին ծանրության, իսկ վարորդը՝ 1983 թ. ծնված Ա. Մ.-ը, հոսպիտալացման ճանապարհին մահացել է: Փրկարարներն ավտոմեքենայից դուրս են բերել Գ. Մ.-ին, ով հոսպիտալացվել է Թալին քաղաքի ԲԿ, հոսանքազրկել են ավտոմեքենաները և փակել գազի բալոնների փականները: ԱԻՆ