A
A
Ստամբուլում կանայք պայքարում են ավանդական հագուստի դեմ
Ստամբուլում հարյուրավոր կանայք երթի են դուրս եկել` «Չդիպչեք իմ հագուստին» կարգախոսի ներքո:
Կանայք հանդես են եկել բռնության և ավանդաբար հագնվելու տղամարկանց պահանջների դեմ. «Մենք չենք հնազանդվի, լռի, վախենա, մենք կդիմակայենք»:
Ցույցի մասնակիցներն իրենց ձեռքում բռնել են ջինսե շորտեր, թեթև շապիկներ՝ այդպիսով ցուցադրելով պահպանողականներին նյարդայնացնող հագուստ և պահանջելով հարգել իրենց իրավունքները:
Ցուցարարները հիշել են 2 ամիս առաջ կատարված մի դեպք, երբ մի երիտասարդ կին բռնության էր ենթարկվել Ստամբուլում կարճ տաբատ հագնելու համար, ավտոբուսի մեջ՝ Ռամադանի տոներին: Ընդ որում ավտոբուսի վարորդը ծեծին չի էլ միջամտել, այլ կանգնել ու նայել է:
