Փնտրվում է Շամիրամ գյուղում 4 հոգու սպանության գործով կասկածյալը. (տեսանյութ)
Հայաստանի քննչական կոմիտեի Արագածոտնի մարզային քննչական վարչությունում մի խումբ անձանց սպանության փաստով հարուցված քրեական գործի շրջանակում հանցագործությունը կատարելու կասկածանքով որոնում է Արմավիրի մարզի բնակիչ, 50-ամյա Թելման Վազիրի Քալաշյանին, տեղեկացնում է Shamshyan.com-ը:
Կայքի տեղեկություններով՝ «կրակոցներ արձակողը իր սև գործն անելուց հետո Нива-ով դիմել է փախուստի, սակայն ճանապարհին վթարի է ենթարկվել և ավտոմեքենան թողնելով վթարի վայրում՝ այնտեղից էլ է փախել։ Վթարված Нива-ի հարևանությամբ հայտնաբերվել էր 97 ՏZ 777 համարանիշ, իսկ Нива-ի մեջ հայտնաբերվել էր 50-ամյա Թ. Ք.-ի անվամբ վարորդական իրավունքի վկայական, ինչպես նաև զենքի թույլտվության վկայական»։
Լուսանկարում Շամիրամ գյուղում կրակոցներ արձակելու մեջ կասկածվող 50-ամյա Թելման Վազիրի Քալաշյանն է:
Մանրամասները կարդալ այստեղ
Ավելի ուշ Ոստիկանությունը տարածեց, որ որոնվոմ է հանցագործությունը կատարելու կասկածանքով
Ձեռնարկված օպերատիվ-հետախուզական և քննչական համատեղ միջոցառումներով պարզվել է այսօր Շամիրամ գյուղում կատարված հանցագործության մեջ կասկածվողի ինքնությունը՝ Արամվիրի մարզի Մյասնիկյան գյուղի բնակիչ, 1967 թվականին ծնված Թելման Քալաշյան:
Իրականացվում են միջոցառումներ նրան հայտնաբերելու ուղղությամբ:
Նշանակվել են մի շարք փորձաքննություններ:
Կատարվում է նախաքննություն:
