A
A
Կիմ Չեն Ընը ժամանել է Սինգապուր
Հյուսիսային Կորեայի առաջնորդ Կիմ Չեն Ընը ժամանել է Սինգապուր, որտեղ ինչպես հայտնի է հունիսի 12-ին անցկացվելու է Սինգապուրյան գագաթնաժողովը: Պատմական կարևորագույն պահը սակայն Հյուսիսային Կորեայի առաջնորդի և ԱՄՆ նախագահ Դոնալդ Թրամփի հանդիպումն է: Այն տեղի է ունենալու այսօր՝ հունիսի 10-ին: Գագաթնաժողովի ընթացքում Հյուսիսային Կորեայի առաջնորդը և ԱՄՆ նախագահը քննարկելու են Փհենյանի միջուկային ծրագիրը: ԱՄՆ փոխնախագահ Մայքլ Փենսը հայտարարել է, որ ԱՄՆ նախագահ Դոնալդ Թրամփը առավելագույնս պատրաստ է ԱՄՆ-Հյուսիսային Կորեա գագաթնաժողովին.
«Սկսվում է ԱՄՆ նախագահի և Հյուսիսային Կորեայի առաջնորդ Կիմ Չեն Ինի միջև պատմական գագաթնաժողովը: Ինչպես այս շաբաթ հայտարարել է նախագահ Թրամփը, ինքը վստահությամբ է մոտենում այդ գագաթնաժողովին: Ճշմարտությունն այն է, որ նա պատրաստվել է դրան իր ամբողջ կյանքի ընթացքում»,- ասել է Փենսը:
Ավելի վաղ Թրամփը հաղորդել է, որ արդեն թռչում է Սինգապուր՝ հյուսիսկորեական առաջնորդի հետ հանդիպման, և հույս է հայտնել, որ կհասնեն «հրաշալի» արդյունքների:
