A
A
Կողոպտել են Արմեն Գյուլբուդաղյանցին ՀՖՖ-ի տրամադրած ավտոմեքենան. shamshyan.com
Ոստիկանության Արաբկիրի բաժին դիմած Երեւան քաղաքի բնակիչ, 31-ամյա Մարտին Կոբալյանը հայտնել է, որ նոյեմբերի 27-ի ժամը 18:00-ից մինչև նոյեմբերի 28-ի ժամը 08:30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ Կոմիտաս պողոտայի թիվ 62 շենքի դիմաց կայանված Porsche Cayenne մակնիշի ավտոմեքենայի առջեւի լուսարձակները գողացել են: Ինչպես հայտնում է shamshyan.com-ը, նշված ավտոմեքենան հաշվառված է Հայաստանի ֆուտբոլի ֆեդերացիայի հաշվեկշռում եւ այն վարում է Հայաստանի հավաքականի գլխավոր մարզիչ Արմեն Գյուլբուդաղյանցը: Փաստի առթիվ ոստիկանության Արաբկիրի բաժնի հետաքննչական բաժանմունքում նյութեր են նախապատրաստվում:
