«Լուսավոր Հայաստանը» հանդես կգա ընդդիմության կարգավիճակում. թեկնածու
Ըստ «Լուսավոր Հայաստանից» Արմավիրի մարզում ռեյտինցային ընտրացուցակով առաջադրված թեկնածու Վարդուհի Քոլյանի՝ 12 օրը բավարար ժամանակահատված չէ, որպեսզի ընտրողները ծանոթանան ինչպես թեկնածուներին, այնպես էլ նրանց ծրագրերին: Թեկնածուն անձամբ այցելում է բնակիչների բնակարաններն ու ներկայացնում իր նախընտրական ծրագիրը: Քոլյանը կարևոր է համարում մարդկային շփումը և գտնում, որ մարդիկ ուշադրությունից դուրս են մնացել, և երբ ինքն անձամբ է բաժանում իր նախընտրական բուկլետները, քաղաքացիները զարմանում են: Վարդուհի Քոլյանը նոր է մուտք գործել քաղաքականություն և «Լուսավոր Հայաստան» կուսակցությանն անդամակցել է իր ցանկությամբ: Ըստ թեկնածուի «Լուսավոր Հայաստանը» երբեք չի եղել գրպանային ընդդիմության կարգավիճակում: Ըստ թեկնածուի «Լուսավոր Հայաստանը» հանդես կգա ընդդիմության կարգավիճակում, քանի որ ամենայն հավանականությամբ 70 % մեծամասնություն կազմող իշխանության հետ կոալիցիա կազմելու իմաստը չի ընկալում: Քոլյանը մարզային հիմնախնդիրներ է համարում ոռոգման հարցը, կանանց զբաղվածությունը, գյուղատնտեսական ապրանքները վաճառելու հետ կապված իրազեկվածության պակասը: Ըստ թեկնածուի ինքը կարող է արտահանողների և ներմուծողների հետ ունեցած կապերն օգտագործել հօգուտ արամավիրցիների: Ինքն ինքնուրույն է ստեղծել իր բիզնեսն ու կարող է սեփական փորձով կիսվել արմավիրցիների հետ:
