Բացել լրահոսը Փակել լրահոսը
A A

ՋԵՐՄԱՍՏԻՃԱՆԸ ԿԱԽՎԱԾ Է ԲՅՈՒՋԵԻՑ

Մարզեր

Շիրակի մարզի 166 հանրակրթական դպրոցներից 56-ը ջեռուցվելու են գազաֆիկացված, 15-ը` դիզվառելանյութով գործարկվող կաթսայատներից, 50-ը օգտագործելու են էլեկտրական ջեռուցիչներ, իսկ 45 դպրոցներ` հեղուկ վառելանյութի վառարաններ:

Օգտվելով աշնանային արձակուրդներից` դպրոցներում սկսվել են ջեռուցման նախապատրատական աշխատանքները: Ջեռուցման շրջանը տարբեր բնակավայրերի դպրոցների համար սկսվելու է տարբեր օրերի:

Լեռնային եւ բարձր լեռնային բնակավայրերի դպրոցները արդեն նոյեմբերի 3-ից պետք է պատրաստ լինեն ջեռուցման գործընթացին:

Հարթավայրային դպրոցները կջեռուցվեն նոյեմբերի 15-ից հետո:

Սակայն եթե եղանակային պայմանները ստիպեն, ջեռուցման շրջանն ավելի վաղ կսկսվի: Դասասենյակներում պետք է ապահովվի 18-20 աստիճան ջերմություն: Ի դեպ,ջեռուցման համար հստակ գումար սահմանված չէ:Այն հատկացվում է դպրոցի բյուջեից :

Այսինքն` դպրոցի դասասենյակում ջերմաստիճանի սանդղակը թե ինչ աստիճանի վրա կկանգնի, կախված կլինի տվյալ դպրոցի բյուջեից կամ տնօրինության հայեցողությունից:

Գյումրիի «Ցայգ» հ/ը