Բացել լրահոսը Փակել լրահոսը
A A

Կվարձատրվեն հասարակական աշխատանքի համար

Մարզեր

Շիրակի մարզպետարանի համապատասխան հանձնաժողովն արդեն հաստատել է 2009 թ Վարձատրվող հասարակական աշխատանքների ծրագիրը, որը իրագործվելու է ապրիլի 1-ից:

Աշխատանքներում ընդգրկվելու են Գյումրիի զբաղվածության կենտրոնում գրանցված գործազուրկներն ու աշխատանք փնտրողները: Նրանք աշխատելու են օրավարձով, որն անցած տարվա համեմատ ավելացվել է 400 դրամով: Այս տարի մասնակիցների օրական վարձը, նախորդ տարվա 2000 -ի փոխարեն, սահմանվել է 2400 դրամ:

2009 թ.-ին ՇՄ-ին «Վարձատրվող հասարակական աշխատանքներ» ծրագրով հատկացվել է 151մլն 411 հզ դրամ, որն էլ Շիրակի մարզպետի որոշմամբ բաշխվել է մարզի համայնքների միջեւ:

Ծրագրերն հիմնական ուղղվելու են ներհամայնքային ճանապարհների բարեկարգման, ոռոգման համակարգերի մաքրման, հանրակրթական դպրոցների , նախակրթարանների մարզադպրոցների վերանորոգման աշխատանքներին:

Նշված գումարից 59 միլիոն 885հզ-ը տրամադրվելու է Գյումրիին, որտեղ նախատեսվում է իրականացնել «Մայր Հայաստանի՚» հուշահամալիրի տարածքի բարեկարգման, կանաչապատման, խնամքի աշխատանքներ: Կատարվելու են նաեւ փողոցների, այգիների կանաչապատում:

Մարզի մյուս վայրերում հիմնական շեշտը դրվելու է համայնքային ճանապարհների, փողոցների, ջրագծերի, սելավատարների, ոռոգման համակարգերի աշխատանքների վրա:
Ախուրյանին հատկացվել է 20մլն 74հզ 600, Արթիկին` 42մլն 500 հզ դրամ:

Գյումրիի «Ցայգ» ՀԸ