Բացել լրահոսը Փակել լրահոսը
A A

Վերացրին Լաչինի միջանցքը

Մարզեր

Վաղ առավոտյան Գյումրիի մի խումբ առեւտրականներ փակել էին քաղաքի Գարեգին Նժդեհի հրապարակի հարակից տարածքի երթեւեկությունը:

Նրանք դժգոհում էին Լաչինի միջանցք անունով հայտնի շուկայում փողոցային առեւտուրը վերացնելու քաղաքապետարանի որոշման դեմ:

Հավաքվածները փողոցից հեռացել են միայն, երբ ժամանել են իրավապահները:

Լաչինի միջանցքում փողոցային առեւտրով զբաղվողները դժգոհում էին ոչ միայն որոշման, այլեւ այդ որոշումն իրականացնող քաղաքապետարանի ապօրինի շինությունների եւ հողազավթումների վերահսկման բաժնի պետ Աշոտ Քալաշյանի կոպիտ վերաբերմունքից:

Ըստ նրանց, օգոստոսի 5-ին երեկոյան, իրավապահ մարմինները Քալաշյանի ուղեկցությամբ սկսել են քանդել Լաչինի միջանցք անունով հայտնի շուկայի վաճառասեղանները` ասելով թե իրագործում են քաղաքապետարանի ` փողոցային առեւտուրը վերացնելու որոշումը: Առեւտրականների խոսքով, Քալաշյանը եղել է ոչ սթափ վիճակում:

Գյումրիի քաղաքապետարանի տեղեկացմամբ, փողոցային առեւտուր վերացնելու ուղղությամբ իրենք աշխատում են մարտ ամսից, իսկ Լաչինի միջանցքում այն դադարեցնելու որոշման մասին տեղի առեւտրականներին տեղեկացրել էին նախօրոք: Ներկայում Լաչինի միջանցքում առեւտուր չի իրականացվում: Առեւտրականները ստիպված են եղել իրենց ապրանքը իրացնել քաղաքային շուկայում:

«Ցայգ» Հ/Ը