Վարչապետը կարող է խառնվել դատարանի գործերին միայն Սահմանադրական փոփոխությունների և ժողովրդի միջոցով. Հայրիկյան
Աջակցիր «Ա1+»-ին«Դատական համակարգի շուրջ խնդիրները ի վերջո բխում են անկատար Սահմանադրությունից»,- այս մասին բարձրաձայնում է ԱԻՄ առաջնորդ Պարույր Հայրիկյանը: Նա նշում է, որ Հայաստանին սահմանադրական փոփոխություններ են անհրաժեշտ։ Կարծում է՝ եթե գործադիրի ղեկավարը ցանկանում է խառնվել դատական իշխանության գործերին, ապա միայն Սահմանադրական փոփոխությունների և ժողովրդի միջոցով։
Անդրադառնալով Նիկոլ Փաշինյանի քննադատություններին, թե ՍԴ նախագահ Հրայր Թովմասյանը սեփականաշնորհել է ՍԴ-ն՝ ինչպես մի նոտարական գրասենյակ, ապա Պարույր Հայրիկյանը տեղին չի համարում, որ վարչապետը քննադատում է Հրայր Թովմասյանին։
«Երբ իշխանության որևէ ճյուղի ղեկավար քննադատում է, արդեն արժեզրկում է իր քննադատությունը, նույնիսկ ամենաառողջ քննադատությունը, որովհետև ինքը խոսում է իր մրցակցի մասին, իրեն կաշկանդելու կոչված ուժի մասին»,- ասում է նա։
