A
A
Ի՞նչ է անում Կառավարությունը, որպեսզի «լավ տղաները» դպրոցներում աշխատանքից մարդ չհանեն ու չընդունեն (տեսանյութ)
Աջակցիր «Ա1+»-ին«Լավ տղաները» խառնվում են դպրոցների խորհուրդների ձևավորմանը: Ազգային ժողով- Կառավարություն հարցուպատասխանի ժամանակ հարցի մասին բարձրաձայնում է «Լուսավոր Հայաստան» խմբակցության պատգամավոր Սրբուհի Գրիգորյանը: Ի՞նչ է անում Կառավարությունը, որպեսզի «լավ տղաները» դպրոցներում մարդ աշխատանքից չհանեն ու չընդունեն:
Ի պատասխան հարցի, Կրթության, գիտության, մշակույթի և սպորտի նախարար Արայիկ Հարությունյանը նշեց, որ համապատասխան ԱԺ փոփոխություն է կատարվում Քրեական օրենսգրքում:
«Այդ ենթամշակույթի դեմ պայքարը շատ հստակ է լինելու: Մենք ունենք 1400 դպրոց, յուրաքանչյուրն ունի խորհրդի 8 անդամ: Հավաստիացնում եմ, որ մենք մեծագույն խնդիր ունենք համալրելու այդ խորհուրդները և հիմա քննարկվում է խորհուրդների խոշորացման հարցը»,- ասաց նա:
Եթե տեղեկություն կա, որ «լավ տղաները» խառնվում են դպրոցների խորհուրդների ձևավորմանը, ապա նախարարը խորհուրդ տվեց դիմել Ոստիկանություն:
