Նաիրա Զոհրաբյանի աշխատասենյակում դեռ որեւէ գործողություն չի իրականացվում

Ինչպես արդեն տեղեկացրել ենք, ԱԺ ԲՀԿ խմբակցության պատգամավոր Նաիրա Զոհրաբյանը հայտարարել էր, որ իր աշխատասենյակում պատրաստվում են խուզարկություն իրականացնել։

ԱԺ-ում լրագրողների հետ զրույցում նա միջազգային կառույցներին կոչ արեց չլռել։ Պատգամավորը ծիծաղելի համարեց , եթե իր նկատմամբ հարուցվի որևէ քրեական գործ։ 

Նշենք, որ այս պահին աշխատասենյակում որևէ գործողություն դեռեւս չի իրականացվում։

Հարկ է նշել, որ ԱԺ նախագահ Արարատ Միրզոյանի օգնական Վահան Կոստանյանը ֆեյսբուքյան իր էջում այս առթիվ գրառում է արել․

«Նաիրա Զոհրաբյանի հայտարարությունը առ այն, որ Քննչական կոմիտեի ներկայացուցիչները պատրաստվում են խուզարկություն իրականացնել Ազգային ժողովի իր աշխատասենյակում չի համապատասխանում իրականությանը:

ՔԿ գործընկերները շուտով հանդես կգան հավելյալ պարզաբանումներով»,- գրել է նա:

Հիշենենք, որ ԱԺ-ում պատրաստվում են փակ քվեարկությանը, որով պատրաստվում են զրկել անձեռնմխելիությունից։