Հայ-ռուսական համատեղ զորախումբը ի՞նչ ֆունկցիաներ ունի հիմա (տեսանյութ)
Աջակցիր «Ա1+»-ինԻջևանի ճգնաժամային կենտրոնում տեղի ունեցած ճեպազրույցի ժամանակ, ռազմական փորձագետ, կենտրոնի համակարգող Արծրուն Հովհաննիսյանը պատասխանեց նաև ՀՀ զինված ուժերի մարտունակության, և այլ զորախմբերի օժանդակության անհրաժեշտության մասին հարցադրումներին:
Կա՞ արդյոք հայ-ռուսական համատեղ զորախմբի միջամտության կարիքը: Քանի որ բազմիցս է հայտարարվել, որ ՀՀ սահմանների անվտանգության դեմ արված ոտնձգության պարագայում զորախումբը կարող է անցնել գործի:
Հովհաննիսյանն ասաց, ոչ միայն այդ զորախմբի, այլ ցանկացածի օգնությունն այս պահին չի պահանջվում:
«Հայ-ռուսական զորախումբն ունի իր գործողությունների պլանը, թատերաբմը, ուղղությունը: Եվ ՀԱՊԿ-ն լինի, թե առանձին զորախումբ, դրանց կիրառման կարիքը չկա: ՀՀ զինված ուժերը տվյալ դեպքում ընթացող մարտական գործողությունների ծավալի և բնույթի մասով բավարար են, ինքնաբավ են և նման անհրաժեշտություն չկա»,-հայտարարեց Արծրուն Հովհաննիսյանը:
