Տիգրան Մանսուրյանը՝ կորոնավիրուսի օրերին իր աշխատանքի մասին (տեսանյութ)
Աջակցիր «Ա1+»-ինՀամաճարակով պայմանավորված արտակարգ դրության ժամանակահատվածը մաեստրո Տիգրան Մանսուրյանի համար առանձնակի չի տարբերվել։
«Իմ կյանքում սովորական օրերից ու ամիսներից որևէ տարբերություն չեմ զգացել։ Աշխատել եմ նույն ձևով։ Իսկ տրամադրությունը աշխատանքից է կախված։ Ես սոցիալական կյանքով ապրող մարդ չեմ, ինձ իմ աշխատանքն է հետաքրքրում»,- «Ա1+»-ի հետ զրույցում ասում է մաեստրոն։
Այս ընթացքում մի գործ է գրել գերմանացի ալտահարուհու խնդրանքով։ «Ճիշտ է՝ ասաց, որ վճարել չի կարողանա, սակայն երբ լսեցի նրա կատարումների ձայնագրությունները, հասկացա, որ լավ մենակատար է և արժանի է, որ խնդրանքը կատարեմ»,- նշեց պարոն Մանսուրյանը։ Ալտի համար երաժշտական կտավն անվանել է «Ձոն լռության»։
Ավարտել է նաև իր վաղեմի երազանքը՝ «Հայրեններ լուսնի մասին» շարքը երգչախմբի, դաշնամուրի և երգիչ-մենակատարների համար, որը նվիրել է իր վաղեմի բարեկամ, Հայաստանի կամերային երգչախմբի գեղարվեստական ղեկավար Ռոբերտ Մլքեյանին։
