Արամ Ա–ն խնդրել է Իրանի միջամտությունը Բաքվում պահվող հայ գերիների ազատման հարցում
Աջակցիր «Ա1+»-ինՄեծի Տանն Կիլիկիո կաթողիկոս Արամ Ա–ն Լիբանանում Իրանի դեսպան Մոջթաբա Ամանիի հետ հանդիպմանը, անդրադառնալով Արցախի հարցին, շեշտել է արցախահայության վերադարձի իրավունքը, միջազգային հովանավորության ներքո, խոսել է Ադրբեջանում պահվող հայ քաղաքական բանտարկյալների շուտափույթ ազատ արձակման հրամայականի մասին։
Արամ Ա–ն այս հարցում խնդրել է Իրանի միջամտությունը՝ նկատի ունենալով Իրանի և Հայաստանի միջև գոյություն ունեցող պատմական հարաբերությունները:
Քննարկվել է նաև Լիբանանի նախագահի ընտրության հարցը, տեղի է ունեցել կարծիքների փոխանակում:
Բաքուն կալանքի տակ է պահում Արցախի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, նախկին ԱԳ նախարար Դավիթ Բաբայանին, ԱԺ նախագահ Դավիթ Իշխանյանին, գեներալներ Լեոն Մնացականյանին, Դավիթ Մանուկյանին ե նախկին պետնախարար Ռուբեն Վարդանյանին։ Բաքուն պաշտոնապես հաստատում է 23 հայերի գերեվարման փաստը։
