![08 08](/static/articles/47/62/76/l-ZC0F98T7od.jpg)
Վանաձորում «BMW»-ի 24-ամյա վարորդը հարսանիքի ժամանակ «Հայքի» հրապարակում կրակոցներ է արձակել
Աջակցիր «Ա1+»-ինSHAMSHYAN.com-ի տեղեկություններով՝ հուլիսի 20-ին կրակոցներ են հնչել Լոռու մարզում։ Ժամը 15։05-ի սահմաններում ՀՀ Ներքին գործերի նախարարության ոստիկանության Տարոնի բաժին Պարեկային ծառայության Լոռու մարզի գումարտակի ծառայողների կողմից ատրճանակով հանդերձ տեղափոխվել է «BMW» մակնիշի ավտոմեքենայի վարորդ, ով «Հայքի» հրապարակում հարսանեկան ավտոշարասյան մեջ գտնվող ավտոմեքենայից օդ է կրակել։
Ինչպես հայտնում է ֆոտոլրագրող Գագիկ Շամշյանը, նույն օրը՝ ժամը 14։25-ի սահմաններում, ՀՀ ՆԳՆ ոստիկանության Պարեկային ծառայության Լոռու մարզի գումարտակի 1-ին վաշտի 3-րդ դասակի ավագ պարեկ Մկրտչյանը ծառայություն կատարելու ժամանակ Վանաձոր քաղաքի «Հայքի» հրապարակում նկատել է, որ «BMW» մակնիշի ավտոմեքենայի վարորդ, Լոռու մարզի բնակիչ 24-ամյա Էդուարդ Զ․-ն ավտոմեքենայի ձախ կողային վարորդի պատուհանից 2 անգամ օդ կրակոցներ է արձակել, որից հետո անմիջապես կանգնացրել են «BMW» -ն և վարորդին անմիջականորեն ծագած հիմնավոր կասկածների առկայության հիմքով ձերբակալել և տեղափոխել ոստիկանության Տարոնի բաժին։
Արդեն ոստիկանությունում Էդուարդ Զ․-ի անձնական խուզարկությամբ գոտկատեղից հայտնաբերվել և վերցվել է «ՊՄՐ» գրառմամբ 9մմ տրամաչափի ատրճանակ՝ իր դատարկ փամփշտակալով:
Վերջինս ոստիկաններին հայտնել է, որ ատրճանակը պատկանում է իրեն, այն ձեռք է բերել 2022 թվականին Երևան քաղաքից և ներկայացրել զենք պահելու և կրելու թույլտվության կտրոն:
Դեպքի փաստով ոստիկանության Տարոնի բաժնում ձևակերպվել են փաստաթղթեր, որոնք փոխանցվել են ՀՀ Քննչական կոմիտեի Լոռու մարզային քննչական վարչություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։