Բացել լրահոսը Փակել լրահոսը
A A
Մշակույթ

Գալա-համերգ.տոնելով անցած ուղին՝ ձգտումով դեպի նոր հորիզոններ

Մարտի 26-ին և 27-ին՝ ժամը 19:30-ին, «Առնո Բաբաջանյան» համերգասրահում կայացավ «Երաժշտություն հանուն ապագայի» հիմնադրամի 2024թ.-ի կրթաթոշակառուների ավարտական գալա-համերգը: Այս միջոցառումը կարևոր իրադարձություն էր երիտասարդ երաժիշտների համար, ովքեր ամբողջ տարվա ընթացքում մեծ ջանքեր են գործադրել՝ զարգացնելու իրենց երաժշտական հմտությունները և մասնագիտական աճը:

Գալա-համերգը դարձավ հիանալի առիթ՝ ներկայացնելու նրանց տաղանդն ու նվիրումը, ինչպես նաև կրթական ծրագրի կարևորությունը, որը հիմնադրամն ապահովում է իրենց համար: Այս երկու երեկոները հանդիսատեսին հնարավորություն տվեցին ականատես լինելու ապագա երաժիշտների վարպետությանը, ովքեր բեմ բարձրացան նշանավոր ստեղծագործություններով:

Առաջին համերգային երեկոն լեցուն էր վիրտուոզ կատարումներով, վառ էմոցիաներով և անսահման նվիրվածությամբ, որոնք ստիպեցին հանդիսատեսին ապրել յուրաքանչյուր նոտան։

Գալա համերգի երկրորդ օրը նույնպես լի էր հուզիչ կատարումներով, որտեղ յուրաքանչյուր ելույթ արտացոլում էր ոչ միայն տեխնիկական վարպետությունը, այլև երաժիշտների հոգևոր նվիրվածությունն ու արվեստի հանդեպ նրանց անկեղծ սերը:

«Երաժշտություն հանուն ապագայի» հիմնադրամի կրթաթոշակառուների ավարտական գալա-համերգը ևս մեկ անգամ ապացուցեց, որ երաժշտությունն ապրում է այս տաղանդավոր պատանիների սրտերում և նրանք են Հայաստանի մշակութային ապագան: Նրանց կատարումները հանդիսատեսի կողմից ընդունվեցին մեծ ոգևորությամբ և հիացմունքով, վկայելով, որ Հիմնադրամի ներդրումը նրանց կրթության և զարգացման գործում մեծ ազդեցություն ունի: Այս երեկոները ոչ միայն ամփոփեցին նրանց ձեռքբերումները, այլև ոգեշնչեցին նրանց շարունակել իրենց ճանապարհը՝ հանուն արվեստի և երաժշտության:

 

Մարտի 26-ի համերգային ծրագիր և մենակատարներ՝

 

• Ֆերենց Լիստ․ Պոլոնեզ թիվ 2 մի մաժոր S. 223 Մենակատար՝ Հարություն Ասատրյան (դաշնամուր)

Ուսուցիչ՝ Հայաստանի Հանրապետության արվեստի վաստակավոր գործիչ, պրոֆեսոր Սերգեյ Քեչեկ

 

• Հենրիկ Վենյավսկի․ Պոլոնեզ ռե մաժոր ջութակի և դաշնամուրի համար, երկ 4

Մենակատար՝ Արփի Արաբյան (ջութակ) Ուսուցիչ՝ պրոֆեսոր Ալեքսանդր ԿոսեմյանՆվագակցող՝ Զառա Խաչատրյան

 

• Առնո Բաբաջանյան․ Կապրիչո

Մենակատար՝ Մարի Դանիելյան (դաշնամուր) Ուսուցիչ՝ Հայաստանի Հանրապետության վաստակավոր մանկավարժ Կարինե Հարությունյան

 

• Ռոբերտ Շուման․ Դաշնամուրի Սոնատ թիվ 2 սոլ մինոր, երկ 22 I. So rasch wie möglich

Մենակատար՝ Էդուարդ Գևորգյան (դաշնամուր) Ուսուցիչ՝ պրոֆեսոր Վաղարշակ Հարությունյան

 

• Լյուդվիգ վան Բեթհովեն․ Սոնատ ջութակի և դաշնամուրի համար թիվ 8 սոլ մաժոր, երկ 30 թիվ 3, առաջին և երրորդ մասեր

Մենակատար՝ Էդուարդ Դայան (ջութակ)

Ուսուցիչ՝ Հայաստանի Հանրապետության ժողովրդական արտիստ, պրոֆեսոր Էդուարդ Թադևոսյան

Նվագակցող՝ Էդուարդ Գևորգյան

 

• Ռոմանոս Մելիքյան․ Ռոմանս թիվ 2 «Սև կաքավիկ»

Մենակատար՝ Համլետ Էմինյան (ֆագոտ) Ուսուցիչ՝ Գարրի Մայիլյան

Նվագակցող՝ Անահիտ Դիլբարյան

 

• Առնո Բաբաջանյան․ Պոեմ դաշնամուրի համար

Մենակատար՝ Էլեն Խաչիկյան (դաշնամուր) Ուսուցիչ՝ Մարինե Մարգարյան

 

• Պյոտր Չայկովսկի․ Ջութակի կոնցերտ սոլ մինոր, երկ 35 II. Canzonetta. Andante

Մենակատար՝ Ինգա Հովհաննիսյան (ջութակ) Ուսուցիչ՝ Հայաստանի Հանրապետության ժողովրդական արտիստ, պրոֆեսոր Էդուարդ Թադևոսյան

Նվագակցող՝ Մարգարիտա Թովմասյան

• Էդվարդ Գրիգ․ Էտյուդ նվիրված Շոպենի հիշատակին, երկ 73

Մենակատար՝ Անի Բոցինյան (դաշնամուր) Ուսուցիչ՝ Լիլիթ Հարությունյան

 

• Աստոր Պիացոլլա․ Օբլիվին

Մենակատար՝ Արսեն Բալայան (կլարնետ) Ուսուցիչ՝ Արսեն Գրիգորյան

Նվագակցող՝ Էդուարդ Գևորգյան

 

• Իգոր Ֆրոլով - Կոնցերտ ֆանտազիա Գերշվինի «Porgy and Bess» թեմաներով, երկ 19

Մենակատար՝ Ռոբերտ Սեյրանյան (ջութակ)

Ուսուցիչ՝ Կարմեն Հարությունյան

Նվագակցող՝ Էդուարդ Գևորգյան

 

Մարտի 27-ի համերգային ծրագիր և մենակատարներ՝

 

• Կամիլ Սեն-Սանս․ Allegro Appassionato, երկ 43 և Դավիդ Պոպեր․ Տարանտելլա թիվ 1, երկ 33

Մենակատար՝ Արեն Թոփլաղալցյան (թավջութակ) Ուսուցիչ՝ Անժելա Սարգսյան

Նվագակցող՝ Սուսաննա Ախիկյան

 

• Ֆրանց Շուբերտ․ Էքսպրոմտ թիվ 4 լյա բեմոլ մաժոր, երկ 90

Մենակատար՝ Իլլեն Ավետյան (դաշնամուր) Ուսուցիչ՝ Լուսինե Խաչունց

• Վոլֆգանգ Ամադեուս Մոցարտ․ Ջութակի կոնցերտ թիվ 3 սոլ մաժոր, K.216

Մենակատար՝ Անահիտ Խիզանցյան (ջութակ) Ուսուցիչ՝ պրոֆեսոր Անուշ Խաչատրյան

Նվագակցող՝ Զառա Երզնկյան

 

• Պաուլ Հարթ․ Անդանտե ֆագոտի և դաշնամուրի համար

Մենակատար՝ Դավիթ Տոնոյան (ֆագոտ) Ուսուցիչ՝ Գարրի Մայիլյան

Նվագակցող՝ Վահագն Վարդանյան

• Ֆելիքս Մենդելսոն․ Ռոնդո կապրիչոզո, երկ 14

Մենակատար՝ Մարկ Մինասյան (դաշնամուր) Ուսուցիչ՝ Կարինե Անանյան

• Պյոտր Չայկովսկի․ «Մտորում» թիվ 1 ռե մինոր "Souvenir d'un lieu cher" պիեսներից, երկ 42

Մենակատար՝ Մարիամ Սմբատյան (ջութակ) Ուսուցիչ՝ Արթուր Տեր-Հովհաննիսյան

Նվագակցող՝ Աստղիկ Ղուկասյան

 

• Կարլ Մարիա ֆոն Վեբեր․ Ռոմանս տրոմբոնի և դաշնամուրի համար

Մենակատար՝ Գոռ Ենոքյան (տրոմբոն) Ուսուցիչ՝ Մուշեղ Մարտիրոսյան

Նվագակցող՝ Լուսինե Կարապետյան

 

• Ֆրանց Շտրաուս․ Նոկտյուրն դաշնամուրի և գալարափողի համար, երկ 7

Մենակատար՝ Մարտին Արշակյան (գալարափող) Ուսուցիչ՝ Հայաստանի վաստակավոր արտիստ Մերուժան Տեր-Մինասյան

Նվագակցող՝ Էռնեստ Շահինյան

 

• Գիյոմ Բալայ․ Պրելյուդ և բալլադ շեփորի և դաշնամուրի համար

Մենակատար՝ Արտյոմ Ավետիսյան (շեփոր) Ուսուցիչ՝ Դավիթ Օնիպչենկո

Նվագակցող՝ Մարգարիտ Ասատրյան

 

• Արամ Խաչատրյան․ Վալս «Դիմակահանդես» դրամայի երաժշտությունից

Մենակատար՝ Սաթի Գասպարյան (ֆլեյտա) Ուսուցիչ՝ Արմինե Գևորգյան

Նվագակցող՝ Լիանա Հարությունյան