«Միխայիլ Գալուզինն ու Ռուբեն Ռուբինյանը հեռախոսազրույց են ունեցել»․ ՌԴ ԱԳՆ

Ռուսաստանի արտաքին գործերի փոխնախարար Միխայիլ Գալուզինը հեռախոսազրույց է ունեցել հայ-թուրքական կարգավորման գործընթացում Հայաստանի հատուկ բանագնաց Ռուբեն Ռուբինյանի հետ։ Զրույցի ընթացքում կողմերը քննարկել են համագործակցությունը Հարավային Կովկասում և «3+3» ձևաչափի տարածաշրջանային հարթակի շրջանակում։ Տեղեկությունը տարածել է ռուսական արտաքին քաղաքական գերատեսչությունը։

ՌԴ ԱԳՆ մամուլի ծառայության փոխանցմամբ՝ Մոսկվան վերահաստատել է իր պատրաստակամությունը շարունակելու նպաստել Երևանի և Անկարայի միջև ընդհանուր եզրեր գտնելու գործընթացին՝ ընդգծելով, որ հայ-թուրքական հարաբերությունների բարելավումը կարևոր է Հարավային Կովկասում կայունության և զարգաց发展的 համար։

Ըստ հաղորդագրության՝ Ռուբեն Ռուբինյանը ներկայացրել է հայ-թուրքական հարաբերությունների կարգավորման ուղղությամբ վերջին զարգացումները։ Հայկական կողմը հեռախոսազրույցի վերաբերյալ առայժմ մեկնաբանություն չի տվել։