A
A
Մուբարաքը մահամերձ է
Բժիշկները հայտարարել են, որ Եգիպտոսի նախկին նախագահ Հոսնի Մուբարաքը կլինիկական մահ է տարել։ Այս մասին տեղեկացնում է եգիպտական MENA տեղեկատվական գործակալությունը։
Հիշեցնենք, որ Հոսնի Մուբարաքը ժողովրդական հուզումները դաժանորեն ճնշելու համար՝ դատապարտվել է ցմահ բանտարկության և այժմ հիվանդության պատճառով գտնվում է ռազմական ոստիկանության հոսպիտալում։
Երեկ Հոսնի Մուբարաքը կաթված է ստացել։ Օրվա երկրորդ կեսին բանտարկյալի ճնշումը կտրուկ բարձրացել է և Մուբարաքը կորցրել է գիտակցությունը։ Հենց այդ պահին էլ նրա սրտի աշխատանքը կանգ է առել և միայն որոշ ժամանակ անց՝ բժիշկների շնորհիվ՝ այն սկսել է բաբախել։
Բժիշկների գնահատմամբ՝ Մուբարաքը մահամերձ է։
