«Հարսնաքարի» գործով չգիտեն ինչի համար են մեղադրվում
Ավան և Նոր Նորք վարչական շրջանների ընդհանուր իրավասության դատարանում, դատավոր` Դավիթ Հարությունյանի նախագահությամբ շարունակվում է «Հարսնաքար»-ի գործով 6-րդ դատական նիստը:
Նիստը 30 րոպեով ընդմիջվել է, քանի որ ամբաստանյալ Արման Խաչատրյանի պաշտպան Ավագ Լալայանը ժամանակ է խնդրել դատախազ Արթուր Դավթյանին բացարկի միջնորդություն ներկայացնելու համար պատրաստվելու։
Դատախազն այսօր ներկայացրեց 6 ամբասոտանյալներին առաջադրված մեղադրանքները, սակայն նրանցից և ոչ մեկը չընդունեց այն՝ ասելով, որ իրենց պարզ չէ, թե կոնկրետ ինչի համար են իրենք մեղադրվում:
Հիշեցնենք, որ հունիսի 17-ին ՀՖՖ նախագահ, ՀՀԿ-ական Ռուբեն Հայրապետյանի ընտանիքին պատկանող « Հարսնաքար» ռեստորանում` դաժան ծեծի էին ենթարկվել ռազմական բժիշկներ, որոնցից 35-ամյա Վահե Ավետյանը 12 օր անց գիտակցության չգալով մահացել էր:
