A
A
Վթարված երթուղայինի 2 ուղեւոր հիվանդանոցում է
Երեկ Սարալանջի ճանապարհից դեպի Տերյան փողոց ընթանալիս թիվ 43 երթուղային մեքենայի շրջվելու հետևանքով 9 ուղևոր մարմնական վնասվածքներով տեղափոխվել է հիվանդանոց:
Տուժածներից 6-ը, թիվ 1 համալսարանական կլինիկայում ստանալով համապատասխան բժշկական օգնություն, դուրս են գրվել, 2-ը գտնվում են բժիշկների հսկողության ներքո:
Ուղևորներից մեկը` 1999թ. ծնված Ս.Հակոբյանը, գտնվում է «Սուրբ Աստվածամայր» բժշկական կենտրոնում: ՀՀ առողջապահության նախարարության ներկայացուցիչները երեկ այցելել են հիվանդին, զրուցել ծնողների, տնօրենի հետ: Ներկա պահին տուժածի վիճակը միջին ծանրության է:
Այս մասին հայտնում է Առողջապահության նախարարության մամլո ծառայությունը։
