Գրողն՝ անքուն, դաշնակահարն՝ ականջները փակ (տեսանյութ)
Բանաստեղծ Արտեմ Հարությունյանի որոշ տողերը ծնվել են անքննությունից։
Բանաստեղծի քունը խաթարել է իր բնակարանի անմիջապես ներքեւի հարկում գործող «Օմեգա» ակումբը։ Նա արդեն 15 տարի է, պայքարում է, որ ակումբը տեղափոխվի իրենց շենքից, սակայն անարդյունք։
Արտեմ Հարությունյանն իր հարեւանների հետ դիմել բոլոր պատկան մարմիններին՝ թաղապետից մինչև երկրի առաջին դեմքը:
«Պարոն Սերժ Սարգսյան , Ձեր տան տակը թմբուկներ խփեն ու ռուս կանայք սկսեն պարել, դուք թույլ կտա՞ք... Ձերբակալել կտաք տերերին, չէ՞»,- աասաց նա։
Բնակիչները նույնիսկ դատարան են դիմել, որի վճռի համաձայն «Օմեգայի» տերերը ստիպված են եղել Պորտուգալիայից ձայնամեկուսիչներ բերել, որը արդյունք չի տվել
«Մեր շենքում դաշնակահար է ապրում. նա ամբողջ օրը ականջները փակած է երեկոյան 11-ից հետո»,- ասաց պարոն Հարությունյանը։
Ի դեպ, շենքը, որի առաջին հարկում տեղակայված է Օմեգա գիշերային ակումբը, գրողների միության բնակելի շենքն է:
Քաղաքապետարանի լրատվական ծառայությունից ի պատասխան Տեյրան 59 շենքի բնակիչների բողոքի հայտնեցին՝ թե արդեն երկար տարիներ գործում է «Օմեգա» ակումբը, ամեն ինչն օրենքի սահմաններում է: իսկ բնակիչները իրենց բողոքը կարող են հայտնել առողջապահության նախարարություն,որպիսի վերջիններս աղմուկի չափումներ անեն։
