Թաց անկողին, բորբոսնած պատեր (տեսանյութ)
Երևանաբնակ Կարինե Քարամյանի տան պատերի ծեփերը պարբերաբար թափվում են: Նման վիճակում տունը հայտնվել է ջրի արտահոսքի պատճառով:
Շենգավիթ վարչական շրջանի Չեխովի 24 հասցեում գտնվող նախկին երեք հարկանի հանրակացարանի բնակիչներն այլևս չեն կարողանում ապրել նման պայմաններում` խոնավություն, բորբոսնած պատեր, թաց անկողին, շնչառական օրգանների հետ կապված տարբեր հիվանդություններ:
2007 թվականին նախկին հանրակացարանը վերանորոգել է «ՆաիրիՇին» ընկերությունը: Բնակիչների հավաստմամբ, վերանորոգումից կարճ ժամանակ հետո բնակարաններն ավելի անմխիթար վիճակում են հայտնվել: Պատճառը շենքի ընդհանուր օգտագործման խողովակների ոչ պիտանի լինելն է: Նորոգման կարիք ունեն նաեւ դիտահորերը:
Նախկին հանրակացարանի բնակիչները բազմիցս դիմել են թե թաղապետարան, թե քաղաքապետարան, սակայն որևէ հստակ պատասխան չեն ստացել:
Մանրամասները տեսանյութում
