Հաշվապահները կանգնել են փաստի առաջ (տեսանյութ)
Այս տարվա հունվարի մեկից բոլոր հարկատուներն իրենց հաշվետվությունը Պետական Եկամուտների Կոմիտե պետք է ներկայացնեն էլեկտրոնային տարբերակաով:
Սա է պահանջում «Եկամտային հարկի մասին» օրենքի փոփոխությունը:
Ըստ օրենքի, հաշվապահները պետք է ձեռք բերեն էլեկտրոնային կոդ և նույնականացման քարտ: Այս գործընթացում հաշվապահները կանգնել են խնդրի առաջ. «Խնդիրները կապված են ID քարտի ձեռքբերման հետ»,-«Ա1+»-ի հետ զորւյցում նշեց հաշվապահ Գրիգոր Առաքելյանը:
Գրիգոր Առաքելյանը նույնականացման քարտ ձեռք բերելու համար անձնագրային վարչություն դիմել է մոտ տաս օր առաջ: Նրա խոսքերով, ID քարտը փաստացի դիմողներին տալիս են մեկ, մեկ ու կես ամիս անց, մինչդեռ եթե հարկատուն վճարում է պետական գույքի դիմաց նախատեսված 20 հազար դրամը և ևս 3 հազար դրամ, որը պարտադիր է բոլոր հարկատուների համար, ID քարտը տրամադրում են մեկ օրվա ընթացքում:
«Եթե հնարավոր է տալ մեկ օրվա ընթացքում, ինչու է ձգվում շաբաթներ, երբեմն նույնիսկ ամիսներ: Խնդիրներ կան նույնիսկ հրակային տեսչություններում, անընդհատ կլսես այս արտահայտությունը` ծրագիր չկա, կամ ծրագրային խնդիր է»,-ասաց հաշվապահը, հավելելով, որ ID քարտը տալիս է ոստիկանության անձնագրային վարչությունը:
Գրիգոր Առաքելյանին անձնագրային բաժնում տեղեկացրել են, որ նույնականացման քարտ նա կստանա միայն փետրվարի 28-ին: Իսկ սա նշանակում է, որ նրա ընկերությունը կտուգանվի, քանի որ մինչև փետրվարի 20-ը նա պետք է է ներկայացնի առաջին էլեկտրոնային հարկային հաշվետվությունը:
«Կամ ոչ ճիշտ ձևով ներկայացնելու համար նախատեսվում է տուգանք նվազագույն աշախատավարձի քսանապատիկի չափով, կամ 20 հազար դրամ»,- ասաց փաստաբան Կարեն Հովհաննիսյանը:
Ստծեղված իրավիճակում փաստաբանը գտնում է, որ հարկատուներին տուգանքներից կարող է ազատել միայն կառվարությունը, եթե երկարաձգի հաշվետվության ներակայացման ժամկետը:
