Մեքենաները մնացել են ճանապարհին
Մարտի 6-7-ը ՀՀ ԱԻՆ ճգնաժամային կառավարման կենտրոնում ահազանգեր են ստացվել հանրապետության տարածքում արգելափակված մեքենաների վերաբերյալ:
Մասնավորապես` փրկարարները ճանապարհի երթևեկելի հատված են դուրս բերել Գորիս-Կապան ավտոճանապարհին («Թասի ոլորաններ» կոչվող հատված) ձյան մեջ արգելափակված, Ա. Տիրանյանին պատկանող «Մերսեդես» մակնիշի 64 UU 999 պ/հ ավտոմեքենան:
Փրկարարներն արգելափակումից դուրս են բերել Գավառի Ազատության 1-ին նրբանցքի 55 շենքի մոտ արգելափակված «ՈՒԱԶ» մակնիշի 767 ՍՏ 31 պետհամարանիշի ավտոմեքենան:
Ճանապարհի երթևեկելի հատված են դուրս բերվել Գորիս-Տեղ ավտոճանապարհին արգելափակված «Ֆորդ» մակնիշի 34 LT 591 պետհամարանիշի (վարորդ` Հ. Տիրանյան) և «Ֆորդ» մակնիշի 34 ԼՏ 037 պետհամարանիշի (վարորդ` Վ. Խաչատրյան) ավտոմեքենաները:
Այս մասին հայտնում է ԱԻՆ-ը։
