Կինոգործիչները նախագահ ընտրեցին/լրացված (տեսանյութ)
Հայաստանի կինեմատոգրաֆիստների միությունը ընտրեց նոր նախագահ: Այսօր Կինոյի տանը մեկնարկեց միության համագումարը: Նախագահ վերընտրվեց Ռուբեն Գեւորգյանցը։
Համագումարը վարում է մեծանուն դերասան Ազատ Գասպարյանը: Ողջույնի խոսքով հանդես եկավ Մշակույթի նախարար Հասմիկ Պողոսայանը:
«Կարծում եմ՝ այսօր իսկապես տոն է, որովհետև նոր մտնելուց բոլորը իրար ողջունում և շնորհավորում էին: Մենք ստեղծագործական միությունների նկատմամբ ունենք մեծ հետաքրքրություն: Մենք բոլորս հիշում ենք, որ մի ժամանակ հարց էր դրված ստեղծագործական միությունների լինել-չլինելու հարցը, կարծում եմ այդ պատասխանը հենց միություններն էլ տվեցին», -ասաց նախարարը:
Վերջինիս կարծիքով քայլ առ քայլ զարգանում է հայաստանյան ֆիլմարտադրությունը:
Իսկ կինոմատոգրաֆիստների միության գործող նախագահ Ռուբեն Գևորգյանցը իր խոսքում նկատեց. «Մենք բոլորս իրար կարոտել ենք: Մենք այստեղ իրար տեսնում ենք ու հիշում այն ժամանակները , երբ նկարահանվում էր իսկական կինո»:
Նա անդրադարձավ նաև Դիլիջանում գտնվող միության հանգստյան տանը, որն արդեն վաճառվել է պետությանը1 միլիոն 482 հազար դոլարով:
«Դա խելոք բան էր, որ արեցինք : Մեզ ծիծաղելի գումարի էին առաջարկում: Ես դեմ էի միասնավոր մարդու վաճառելուն, հատկապես մեր օլիգարխներին: Այդ պատչառով էլ դիմեցի նախագահին, կառավարությունը ընունեց որոշում, որով էլ տունը վաճառվեց հենց պետությանը», ասաց նա:
Ըստ նրա՝ այդ գումարով միությունը բարձրացրել թոշակները, ինչպես նաև միության անդանները կարող են այդ գումարով և' բուժվել, և' հանգստանալ:
