Ապրիլի 1-ին Ծատուրյանը կդառնա (տեսանյութ)
Արվեստի վաստակավոր գործիչ, բեմադրիչ Նիկոլայ Ծատուրյանը ցանկանում է դառնալ Հայաստանի նախագահ եւ համոզված է, որ անպայման հաղթելու է։
Այսօր նա լրագրողներին ներկայացրել է 4 կետից բաղկացած իր նախընտրական ծրագիրը:
«Խոսել եմ մասոնների հետ պայմանավորվել եմ, որ ինձ վրա պետք է կրակեն, երյկորդ աշխատում եմ նոր էպոսի վրա, կարծում եմ, որ մերը հնացած է, երրորդ պայմանավորվել եմ մի ավիաուղեւորի հետ, որ ինքնաթիռում, իրեն վատ զգա, ես նրան կյանքը փրկեմ, եւ 4-րդ պետք է հայտարարեմ հացադուլ 3 ամսով եւ եթե չդիմացա, Հայաստանը կփրկվի ես մեկ խեղկատակից»,- ասաց նա։
Ապրիլմեկյան իր այս կատակը Նիլոկայ Ծատուրյանը տեղադրել է նաեւ ՖԲ-ի իր էջում։
Ամեն տարի այսօր պարոն Ծատուրյանը հիշում է թատրոնի մեծերին՝նրանց կյանքի տարբեր դրվագներ; ։
Պարոն Ծատուրյանն այսօր խոսեց բոլորին մտահոգող խնդիրների մասին: Նա չի կիսում այն տեսակետը, թե Հայաստանում թատրոնը կործանման եզրին է:
«Ամենամեծ թատրոնը այնտեղ է՝ խորհրդարանում»։
Նրա կարծիքով այսօր ոչ թե թատրոնը կամ մշակույթի այլ ոլորտ է կործանվում, այլ մեր երկիրը՝ բոլորիս ջանքերով:
