A
A
Երեք օրում՝ 28 պատահար
Ըստ ՀՀ ոստիկանության օպերատիվ հաղորդագրությունների ամփոփագրերի` հունիսի 22-ից 24-ն ընկած ժամանակահատվածում հանրապետությունում արձանագրված մարմնական վնասվածք հասցնելու 21 դեպքից բացահայտվել է 16-ը, խարդախության 12, խուլիգանության 2 և կողոպուտի 2 դեպքերն էլ բացահայտվել են:
Բացահայտվել է նաև գողության 18 դեպք։
Նախկինում կատարված հանցագործություններից բացահայտվել է գողության՝ 3, մարմնական վնասվածք հասցնելու և կողոպուտի 1-ական դեպք:
Անցած 3 օրերի ընթացքում հանրապետությունում արձանագրվել է ճանապարհատրանսպորտային 28 պատահար. 2 մարդ զոհվել է, 40-ը` ստացել տարբեր աստիճանի մարմնական վնասվածքներ:
Այս մասին փոխանցում է ոստիկանության մամլո ծառայությունը։
