A
A
Գաբրիել Սարգսյանն այսօր ամուսնանում է
Այսօր տեղի ունեցավ Հայաստանի շախմատի հավաքականի անդամ Գաբրիել Սարգսյանի հարսանյաց արարողությունը։
Համաշխարհային օլիմպիադաների եռակի չեմպիոնի պսակադրության արարողությունը տեղի ունեցավ Երեւանի Սուրբ Սարգիս եկեղեցում: Գաբրիել Սարգսյանի ընտրյալը` Լիանա Ավոյանը, նախկինում նույնպես զբաղվել է շախմատով, սակայն այժմ սովորում է Երեւանի գյուղատնտեսական համալսարանում: Նրանց քավորը Սերժ Սարգսյանն է։
«Ա1+»-ի հետ հեռախոսազրույցում Գաբրիել Սարգսյանը հայտնեց, որ մեղրամիսն անցկացնելու են հեռավոր Մալայզիայում:
«Ա1+»-ը միանում է Գաբրիել Սարգսյանի հարազատների ու երկրպագուների շնորհավորանքներին եւ նրան մաղթում է երջանկություն եւ սեր ընտանեկան կյանքում:
Լուսանկարը՝ Գաբրիել Սարգսյանի Facebook-յան էջից:
