Մահվան ելքով ՃՏ պատահար Մարտունի քաղաքում
Հուլիսի 2-ին, ժամը 09.40-ին, 1951 թ. ծնված Սամվել Գասպարյանի վարած «ՎԱԶ-2106» մակնիշի ավտոմեքենան Մարտունի քաղաքի Պռոշյան փողոցում դուրս է եկել ճանապարհի երթևեկելի մասից և բախվել բետոնե պարսպին:
Պատահարի հետևանքով վարորդը տեղում մահացել:
Կատարվում է քննություն:
Բացահայտում՝ 18 տարի անց
1995 թ. սեպտեմբերին ոստիկանության Սևանի բաժնում հաղորդում էր ստացվել սեպտեմբերի 16-ից 17-ն ընկած ժամանակահատվածում Սևանի շրջանային կապի հանգույցին պատկանող Սևան-Դդմաշեն հեռախոսային գծի Ծաղկունք-Դդմաշեն հատվածում տեղակայված 6 հեռագրասյուների գողության մասին:
Ձեռնարկված օպերատիվ-հետախուզական միջոցառումների շնորհիվ, նշված գողությունը կատարելու կասկածանքով, օրերս բերման է ենթարկվել Ծաղկունք գյուղի բնակիչ, 1978 թ. ծնված Սերյոժա Գ.-ն, որը խոստովանական ցուցմունք է տվել, որ նշված 6 հեռագրասյուներն ինքը սղոցով կտրել ու տեղափոխել Ծաղկունք գյուղում գտնվող իրենց տան նկուղ:
1995 թ. կասեցված քրեական գործի վարույթը վերսկսվել է:
Կատարվում է նախաքննություն:
Հետախուզվողին հայտնաբերեցին քրեակատարողական հիմնարկության մոտ
Ոստիկանության Նոր Նորքի բաժնի ծառայողները «Աբովյան» քրեակատարողական հիմնարկության մոտից բերման են ենթարկել 1981 թ. ծնված Հովսեփ Ա.-ին, որը հունիսի 29-ից հետախուզվում էր առանձնապես խոշոր չափերով կատարված խարդախության մեղադրանքով:
Խափանման միջոցը` կալանք:
