Ինչքանո՞վ է պաշտպանված աշխատողը Հայաստանում (տեսանյութ)
Ինչքանո՞վ է պաշտպանված աշխատողը Հայաստանում։ Ի՞նչ դեր է խաղում աշխատանքային պայմանագիրը գործատուի և աշխատողի հարաբերություններում:Երևանցիների կարծիքն այսպիսին է.
«Ոչ մի ձևի էլ պաշտպանված չէ»:
«Աշխատանքային պայմանագիրը կարող են լուծարել միակողմանի, ամեն տեսակ ճնշումներ կարող են գործադրել»:
«Շատ քիչ է պաշտպանված: Աշխատաշուկան այնպես է, որ ավելի շատ թելադրում են գործատուները, քան աշխատողները»:
«ՉԻ պաշտպանվում»:
«Պաշտպանվում է գործատուի օգտին, քանց աշխատողի»:
«Ես չեմ կարող ասել պաշտպանված է, թե ոչ, ես իմ պայմանագրի կետերով, աշխատավարձի ոլորտում, բոլոր գործողությունները կատարվում են»:
Ինչո՞վ է պայմանավորված աշխատանքային շուկայում այսպիսի իրավահարաբերությունների առկայությունը:
«Աշխատավորների շահերի պաշտպանության շարժում» ՀԿ նախագահ Կարեն Թումանյանի կարծիքով. Եթե աշխատանքային այլընտրանք չկա , մարդու իրավունքները արդեն իսկ վտանգված են: Ամեն ինչը այնպես է ստեղծված, բոլոր նախադրյալները կան, որպեսզի մարդու իրավունքները խախտված լինեն աշխատանքային առումով:
Կարեն Թումանյանը գտնում է, որ աշխատողների իրավունքների պաշտպանությունը առաջին հերթին պետք է սկսվի մի պարզ գործողությունից, որը Հայաստանում որոշ դեպքերում իսպառ բացակայում Է:
«Եթե աշխատողը գրանցված չէ, ապա խոսել աշխատանքային հարաբերությունների մասին , գործատու և աշխատող անիմաստ է»:
Նա նաև գտնում է, որ որոշ դեպքերում աշխատանքային հարաբերությունները վերահսկող պետական կառույցները այնքան էլ հետևողական չեն՝ աշխատողի խախտված իրավունքների պաշտպանության խնդրում:
«Ամեն ինչի բացը սկսվում է ընտրովի ստուգումներից, ամբողջ ճակատով չի ստուգվում, չի վերահսկվում: Հիմնվում են բողոքների վրա, սակայն հիմնվել այսօր բողոքների վրա դա սխալ է»:
2012թ. աշխատանքի պետական տեսչությունն 828 քաղաքացուց ստացել է 543 դիմում-բողոք։
Այդ ընթացքում բավարարվել է 574 դիմումատուի խախտված աշխատանքային իրավունքը, որի արդյունքում հօգուտ նրանց վերականգնվել է մոտ 50 մլն դրամի չվճարված աշխատավարձ։
