Հայաստանի ցուցանիշը բարձր է (տեսանյութ)
«Արևելյան գործընկերության երկրների ԶԼՄ-ների ազատության դիտարկում» ծրագրի շրջանակներում ամփոփվեցին ԱլԳ 6 երկրներում՝ Հայաստանում, Վրաստանում, Ադրբեջանում, Բելառուսում, Մոլդովայում և Ուկրաինայում մամուլի ազատությունը ստուգելու նպատակով անցկացված ուսումնասիրությունների՝ գարնան 3 ամիսների արդյունքները։ Ծրագիրն իրականացվել է Երևանի մամուլի ակումբի և «Ինտերնյուզ-Ուկրաինայի» կողմից։
Ուսումնասիրությունների արդյունքում Վրաստանը, որի ինդեքսը գնահատվել է 6, հայտնվել է առաջին տեղում։ Նրան հաջորդում են Մոլդովան՝ 5 և Հայաստանն ու Ուկրաինան 4-ական ինդեքսով (Հայաստանն առաջ է անցել Ուկրաինայից որոշ լրացուցիչ ցուցանիշներով)։ Հետնապահներն են Ադրբեջանը՝ 3 և Բելառուսը՝ 2 ինդեքսով։
Երևանի մամուլի ակումբի նախագահ Բորիս Նավասարդյանը պարզաբանեց այս ցուցանիշների պատճառները։
Մանրամասները՝ տեսանյութում։
