«Ի՞նչ է անում գյուղնախարարությունը»
Այսօր լրագրողների հետ հանդիպմանը Գյուղատնտեսության նախարարության ԾԻԳ-ի գլխավոր տնօրեն Գագիկ Խաչատրյանը կարծիք էր հայտնել, որ Ֆերմերային կոոպերատիվների ստեղծումը ոչ թե վերադարձ է կոլխոզային տնտեսությունների, այլ նպաստելու է հատկապես անասնապահության զարգացմանը:
Հայաստանի ագրարագյուղացիական միավորման ղեկավար Հրաչ Բերբերյանի համար անհասկանալի է, թե ինչ է անում այսօր նախարարությունը; Նա չի հասկանում, թե ինչու է պետությունը ֆինանսները միայն մեկ ուղղությամբ ծախսում;
«Չստացվի ստալինյան, կներեք արտահայտությանս համար, դայոշ կոոպերացիու, որով գումար է հատկացված, ու այդ ծրագիրն ամեն կերպ կատարվի...Ոչ թե պետությունը պետք է գյուղացուն դրդի կոոպերատիվներ ստեղծելուն, այլ գյուղացիները ինքնակամ պետք է համախմբվեն»,- հիշեցնում է պարոն Բերբերյանը;
Ըստ նրա՝ «Խոշոր ֆերմերը բնականաբար չի մասնակցի այդ ծրագրին, մանրերը կփորձեն մասնակցել, իսկ թե ինչ արդյունք կլինի, ժամանակը ցույց կտա: Կարծում եմ` էֆեկտիվություն, գնահատական, այնքան էլ բարձր չի լինի»:
