Ուղիղ եթեր
Հոկտեմբերի 23-ին՝ ժ. 17:00-ին, «Մեդիա կենտրոնի» կինոսրահում կցուցադրվի երկու կարճամետրաժ ֆիլմ` «Արևորդի» միջազգային բնապահպանական փառատոն 2013-ի շրջանակում:
«Վաշ-վիշ» ֆիլմը պատմում է Ալավերդի քաղաքի ու դրա բնապահպանական խնդիրների մասին: «SOS մշակույթ» ծրագրի մասնակիցները փորձում են պարզել Ալավերդու միջով հոսող Դեբեդ գետի աղտոտման պատճառները, քաղաքում գործող պղնձամոլիբդենային գործարանի արտանետումների հետևանքները:
Իտալական «Ոչ մի թափոն» ֆիլմը թափոնների կառավարման խնդրի մասին է: Ֆրանցեսկո Բարբիերին որոշում է ճամփորդել` հասկանալու համար այլ երկրներում աղբի կառավարման այլընտրանքային մեթոդները և փորձը:
Ցուցադրությանը կհաջորդի քննարկում: Քննարկման բանախոսներն են.
Հովհաննես Ահարոնյանը՝ Երևանի քաղաքապետարանի աշխատակազմի Կոմունալ տնտեսության վարչության Աղբահանության և սանիտարական մաքրման բաժնի պետ,
Լիանա Սմբատյանը՝ Վայրի բնության և մշակութային արժեքների պահպանման հիմնադրամի ֆիլմերի արտադրության համակարգող,
Սամվել Նազարյանը՝ «Ուրբան» հիմնադրամի ծրագրերի համակարգող:
