A
A
Բուժսենյակից` միանգամից խաղադաշտ
Հունվարի 15-ին Երեւանի «Բանանցը» վերադարձել է արձակուրդից: Այդ մասին տեղեկացնում է ֆուտբոլային ակումբի մամուլի ծառայությունը:
«Բանանցի» ֆուտբոլիստներն այսօր ֆիզիկական տարատեսակ ստուգումներ են անցել, որոնք սկսվել են ակումբի բժշկական ծառայության սենյակում եւ շարունակվել արհեստական խոտածածկով նոր խաղադաշտում:
Մարզումային առաջին օրը թիմի հետ աշխատել են նորեկներ Ացամազ Բուրաեւը, Կլաուդիո Տոռեխոնն ու Զավեն Բադոյանը: Թիմին միացել են բոլոր լեգեոներները, բացառությամբ բրազիլացի Լաերսիոյի, ով մեկ-երկու օրից կլինի «Բանանցի» ճամբարում:
Մինչեւ հունվարի 21-ը «Բանանցը» կաշխատի օրական երկու մարզում գրաֆիկով, իսկ հունվարի 22-ին արդեն կմեկնի առաջին ուսումնամարզական հավաքին, որը նախատեսված է Ռուսաստանի Սոչի քաղաքում:
