Վրաստանի համալսարաններում ուսուցանում են Սայաթ Նովա (տեսանյութ)
Հունիսի 16-ին Թբիլիսիում կմեկնարկի և ամսի 18-ին Երևանում կավարտվի Սայաթ Նովայի փառատոնը։ Այն արդեն անցկացվում է երկրորդ անգամ։ Փառատոնի շրջանակում հայ երաժիշտները կհյուրընկալվեն նաև Թբիլիսիի Սուրբ Գևորգ եկեղեցում։ Մասնակից կատարողները հնչեցնելու են հիմնականում Սայաթ Նովայի ստեղծագործությունները։ Հայաստանում Վրաստանի դեսպանատան ավագ խորհրդական, ազգությամբ վրացի, հայագետ Նինո Ապտիաուռին ասում է. «Մենք միասին տոնում ենք Սայաթ Նովայի փառատոնը։ Սայաթ Նովան պատկանում է ոչ միայն հայ ժողովրդին, նաև՝ վրաց ժողովրդին։ Նա մեծ երաժիշտ ու մեծ բանաստեղծ է և տարածաշրջանային իմաստություն ունեցող բանաստեղծ է, ինքն աշուղական պոեզիայի հիմնադիր է, և մենք Վրաստանում բարձրագույն համալսարաններում դասավանդում ենք Սայաթ Նովայի ստեղծագործությունները»,- ասում է նա։
