Գյումրիում քայլերթը շարունակվել է մինչ ուշ երեկո (տեսանյութ)
Ժամը 18.00-ին Գյումրիում ցուցարարները հավաքվել են Թատերական հրապարակում: Իշխանափոխության կոչերով հանրահավաքին միացել են «Իմ քայլը» նախաձեռնության կողմնակիցները: Ցուցարարներն այնուհետ որոշել են քայլերթ իրականացնել:Բողոքի ակցիայի մասնակից Կարեն Պետրոսյանը հրահանգել է 14-ից ցածր տարիք ունեցողները չմասնակցեն երթին: Նա նաև հորդորել է ցուցարարներին՝ բախումներ չունենալ ոստիկանության աշխատակիցների հետ:Ակտիվիստները տարբեր կոչերով շարժվել են դեպի Վարդանանց հրապարակ: Ցուցարարները Վարդանանց հրապարակից շարժվել են դեպի Շիրակացի փողոց: Ամբողջ ընթացքում նրանց ուղեկցել են ոստիկաններն ու ապահովել անվտանգություն: Պատահական անցորդներն էլ ծափահարել են նրանց, ավտոմեքենաների վարորդներն էլ ազդանշան են տվել: Գյումրիում ցույցի ավարտին ոստիկան է վրաերթի ենթարկվել։ Նրան անմիջապես տեղափոխել են «Գյումրի»ԲԿ։ Ինչպես «Այսօր» լրատվականին տեղեկացրել է ԲԿ փոխտնօրեն Արմեն Խաչատրյանը, ոստիկանը ենթարկվել է ամբուլատոր բուժզննության և դուրս է գրվել հիվանդանոցից։ նշենք , որ դեպքը տեղի է ունեցել Թատերական հարապարակում։ Դեպքի վայրում այժմ աշխատում են ոստիկանության աշխատակիցներն ու քննիչները։ Հանգամանքները պարզվում են։ Մինչ այդ ցուցարարները փակել էին Գյումրի-Արմավիր ճանապարհը https://youtu.be/qbaXHnoiZA4 https://youtu.be/nCrkatfA98g https://youtu.be/nGxzTfXIzGo
